Janë mbyllur sot ndeshjet e fazës së dytë të grupeve të Kampionatit Botëror të Basketbollit për meshkuj, turne që po zhvillohet në Kinë. Pas takimeve të sotme janë përcaktuar 8 ekipet çerekfinaliste, të cilat do të vazhdojnë më tej garën për trofeun e madh.
Surpriza më e madhe është eliminimi i Greqisë, ku luan MVP i NBA-së, Giannis Antetokounmpo. Edhe pse ekipi helen fitoi 84-77 ndaj Çekisë, kjo nuk mjaftoi, pasi Greqia duhej të fitonte me 12 pikë avantazh. Fiton edhe Gjermania, që mposhti 82-76 Kanadanë.
Spektakolare ndeshja mes Australisë dhe Francës, fituar nga kombëtarja e “kangurëve” me shifrat 100-98. Amerika bën detyrën, duke fituar ndaj Brazilit dhe avancon në çerekfinale.
Në fazën çerekfinale kanë shkuar edhe Argjentina e Polonia, që i janë bashkuar Spanjës dhe Serbisë, të kualifikuara që më parë.
Grupi K
Republika Çeke – Greqi, 77-84
Amerikë – Brazil, 89-73
Grupi L
Republika Domenikane – Lituani, 55-74
Francë – Australi, 98-100
Grupi O
Japoni – Mali i Zi, 65-80
Turqi – Zelandë e Re, 101-102
Grupi P
Jordani – Senegal, 79-77
Gjermani – Kanada, 82-76
Faza Çerekfinale
Argjentinë – Serbi
Spanjë – Poloni
Amerikë – Francë
Australi – Republika Çeke
