Renato Arapi, mbrojtësi i Teutës foli për barazimin pa gola që morën në transfertë ndaj Kukësi dhe vuri theksin se kjo skuadër ka grup të mirë dhe sezonin e ardhshëm, nëse projekti i klubit vijon mund të konkurrojnë për titullin kampion.
Rezultati – “Pas periudhës jo të mirë, ky barazim ishte pozitiv. Ajo që më kënaqi ishte dëshira që kishte ekipit dhe na jep shpresë për të ardhmen për rezultate pozitive.”
Europa – “Sigurisht që ky është objektivi kryesor i jonë, por do luftojmë deri në fund. Kalendari është i vështirë, por do mundohemi që të marrim pikë në çdo ndeshje që të arrijmë objektivin.”
Rënia e skuadrës – “Rrugës çeduam, ndoshta ngaqë shumë lojtarë të rinj erdhën në janar. Uroj që projekti i klubit të vazhdojë, sepse kemi grup të mirë dhe sezonin tjetër mund të konkurrojmë për titull kampion.”
Mbrojtje e mirë, por Kukësi dominoi – “Ne ashtu na intereson për ta lexuar, që të mbajmë lartë moralin e ekipit. Mua më kënaqi dëshira dhe sot treguam që duhet të rregullojmë disa gjëra në të ardhmen dhe të bëjmë më mirë në fazën e sulmit.”
Situata në dorë nga lojtarët e vjetër – “Pjesa më e madhe janë në pozicione mbrojtëse me eksperiencë dhe nuk mund të bëjnë shumë, sepse në sulm nuk mund të bëjmë diferencën, sepse futbolli është lojë në grup.”