Real Madridi dhe afrimet e bujshme janë shumë të zakonshme në merkaton e futbollistëve. Spanjollët janë mësuar të shpenzojnë shifra të çmendura dhe të afrojnë yje në “Santiago Bernabeu”.

Emri i fundit që po kërkohet me ngulm nga spanjollët është Kai Havertz. Ylli i Bayer Leverkusen po kalon një sezon fantastik. 20-vjeçari shënoi dhe në ndeshjen e djeshme të “Aspirinave” duke i dhënë 3 pikë skuadrës së tij ndaj Freiburgut.

Spanjollët nga krahu tjetër kanë nisur menjëherë sulmin për futbollistin e ri dhe duan ta kenë në skuadër. Gjermani ka treguar se është një ndër talentet me më shumë të ardhme, prandaj spanjollët nuk duan të heqin dorë prej tij.