Kapiteni i Arsenal, Pierre-Emerick Aubameyang, ka munguar në dy ndeshjet e fundit të skuadrës.
Sulmuesi ka zbuluar se problemet shëndetësore të mamasë kanë qenë arsyeja për mungesën e tij.
Lojtari ka konfirmuar në rrjetet sociale arsyen pse ishte larguar nga ekipi dhe ka falënderuar shokë e ekipit dhe tifozët për mbështetjen e tyre.
Ai ka shkruar në Twitter: “Faleminderit shumë për të gjitha mesazhet dhe telefonatat në ditët e fundit”.
“Mamaja ime ka disa probleme shëndetësore dhe duhej t’i qëndroja afër. Ajo është më mirë tani dhe unë do të kthehem. U jam mirënjohës doktorëve dhe infermierëve që e kanë ndihmuar ta kalojë këtë”.
“Falënderoj edhe familjen e Arsenal-in për dashurinë që më ka treguar. Jam më shumë se i vendosur ta ndihmoj ekipin që t’i japë vazhdimësi momentit pozitiv”.
— AUBA⚡️ (@Aubameyang7) January 27, 2021