Sulmuesi i Atalantës, Alejandro Gomez, është shpallur lojtari më i mirë i shtatorit në Serie A. Kapiteni i bergamezëve do të marrë çmimin në ndeshjen ndërmjet Atalantës dhe Sampdorias.
“Sulmuesi i Atalantës, Alejandro Gomez, do të marrë çmimin si lojtari më i mirë i muajit shtator në sezonin Serie A TIM 2020/21”, – shkruan Liga e kampionatit italian.
Gomez ka shënuar 3 gola dhe ka dhuruar 2 asiste në dy ndeshjet e para të Serie A. Ai ka luajtur ndaj Torinos dhe Lazios në shtator.