Një hirushe do të ketë Champions League këtë sezon, për herë të parë Atalanta do të marrë pjesë në kompeticionin më të rëndësishëm në Europë.
Të mërkurën në orën 21:00 skuadra zikaltër do të luajë ndeshjen e parë, atë ndaj Dinamo Zagreb, në Kroaci, por trajneri Gasperini duhet të bëjë llogaritë që të disponueshëm nuk do të ketë një ndër lojtarët kryesor: Luis Muriel.
Sulmuesi kolumbian u largua nga fusha në ndeshjen e djeshme Genoa mes dhimbjeve në gju. Rezultatet e para tregojnë se ai ka një ndrydhje në gju dhe për këtë do të duhet të qëndrojë disa javë larg fushës, kështu raporton “Sky Sport”.
Gjithsesi stafi mjekësor i Atalantës është në alarm pasi Muriel mund të ketë një dëmtim më të rëndë në ligamentet e gjurin, që do e linte për muaj me radhë jashtë fushe, por ende nuk ka një konfirmim zyrtar.