Atletico Madrid ka përmbysur Milanin në “San Siro” duke fituar me rezultatin 1-2 falë golave të Griezmann dhe Luis Suarez, por sigurisht protagonisti ishte arbitri Cakir, që prishi ekuilibrat që në pjesën e parë, duke nxjerrë me karton të kuq për dy të verdha radhazi për dy faull, Franck Kessie.
Kuqezinjtë kishin kaluar përpara me Leao dhe po dominonin, por më pas u bë një ndeshje e gjitha në gjysmë fushën e djemve të Piolit, teksa deri në minutën e 84′, kuqezinjtë rezistuan, duke pësuar gol me Griezmann.
Në fund, në minutat shtesë që ishin të tejzgjatura për shkak vonesash, një prekje me dorë e Kalulu në zonë dhe VAR akorduan penallti për Atletico dhe Suarez mposhti Maignan.
Tension mes lojtarëve kuqezi dhe arbitrit turk Cakyr, i cili u rrethua…
Milani me zero pikë në grup, Atletico shkon 4 pikë, ndërsa Liverpool merr kryesimin me gjashtë pikë duke fituar në Porto me rezultatin e thellë 1-5 me dopietat e Salah dhe Firmino dhe golin e Mane në mes.