Prej disa ditësh, Abdulmanap Nurmagomedov, babai i Khabib Nurmagomedov, është në gjendje të rëndë shëndetësore. Madje, orët e fundit ai është në gjendje kome.
Media ruse konfirmojnë se kanë qenë mjekët ata që e kanë vendosur babain e kampionit të botës në koma të drejtuar, për ta menaxhuar më mirë sëmundjen. Mësohet se Abdulmanap Nurmagomedov është me pneumoni.
Orët e fundit, Conor McGregor, përmes një postimi në rrjetet sociale, ka deklaruar se e vlerëson shumë punën e bërë nga babai i rivalit të tij dhe se lutet për të. Një mesazh inkurajues, që ka lënë mënjanë mëritë mes tij dhe Khabib.
Praying for the recovery of Abdulmanap Nurmagomedov. A man responsible for more World champions, across multiple fighting disciplines, than we even know.
A true martial genius!
Very saddened upon hearing this news tonight.
Praying for the Nurmagomedov family at this time 🙏 https://t.co/OVklQphPgN— Conor McGregor (@TheNotoriousMMA) May 13, 2020
“Lutem për shërimin e Abdulmanap Nurmagomedov. Ai është një njeri që ka nxjerrë mjaft kampionë bote, në disiplina të ndryshme të sporteve luftarake, të cilët ne nuk i dimë. Një gjeni në sportet luftarake. Jam trishtuar kur kam dëgjuar lajmin e sëmundjes së tij. Në këto momente lutem për të gjithë familjen e tij”, shkruan Conor McGregor.
