LAFC po finalizon marrëveshjen për të nënshkruar me yllin e Real Madrid, Gareth Bale, sipas MLSsoçer.com.
Kontrata e Bale me Los Blancos skadon këtë verë dhe lojtari mund të transferohet me kosto zero. Kohëzgjatja e kontratës do të jetë njëvjeçare dhe do të zgjasë deri qershorin e vitit të ardhshëm.
Bale është një nga lojtarët më të suksesshëm të brezit të tij në Europë, duke u bërë i njohur te Tottenham para se të transferohej te Real Madrid në 2013-ën.
Gjatë kohës së tij në Spanjë, ai ka fituar pesë Champions League, katër Botërore për Klube, tre La Liga dhe tre Superkupa të Spanjës.
Me më shumë se 100 grumbullime dhe 38 gola, Bale ka udhëhequr Uellsin drejt kualifikimit të parë në Kupën e Botës në një gjysmë shekulli.
BREAKING: LAFC are finalizing a deal to sign superstar Gareth Bale, per sources.
Bale is a free agent as his contract with Real Madrid expires this summer. The 32-year-old won 5 Champions Leagues, 3 La Ligas & more in Spain. Deal will NOT require DP spot. https://t.co/pegsSTYV6x pic.twitter.com/oUSXQE9ias
— Tom Bogert (@tombogert) June 25, 2022
Bale, i cili mbush 33 vjeç muajin e ardhshëm, ka shënuar 106 gola dhe ka dhënë 67 asiste në 258 ndeshje me Real-in. Me Tottenham-in, ai ka shënuar 72 gola dhe ka dhënë 60 asiste në 237 ndeshje.
Ky do të jetë një tjetër super goditje në merkato për LAFC, pas marrëveshjes së arritur me ish-mbrojtësin e Juventus-it, Giorgio Chiellini
Transferimet e Bale dhe Chiellini-t do të zyrtarizohen me hapjen e sesionit të dytë të merkatos së MLS më 7 korrik. Dy lojtarët do të mund ta bëjnë debutimin e tyre kundër LA Galaxy më 8 korrik.