Barça befason Real-in, Laporta do të barazojë ofertën e çmendur

19 Janar 2021
20:26
Denis Hakanaj
back button

Telenovela mbi të ardhmen e David Alaba duket se do të vazhdojë edhe për pak kohë.

Babai i austriakut ka siguruar se nuk ka arritur marrëveshjen me asnjë skuadër, pas bombës të lëshuar të hënën nga Marca, që ka folur për një marrëveshje të arritur me Real Madrid.

Sky Sports Germany ka bërë të ditur, në fakt, se Pini Zahavi, menaxheri i lojtarit, është në pritje të lajmeve nga Barcelona, veçanërisht ato që kanë lidhje me zgjedhjet presidenciale, me Laporta-n që është favoriti numër një.

Sipas mediave gjermane, nëse Laporta do të fitojë, do të jetë në avantazh për të negociuar me Zahavi-n.

Kandidati për presidencën e katalanasve ka siguruar se do të barazojë ofertën prej 11 milionë eurosh në sezon të bërë nga Real Madrid, plus një bonus i pasur në momentin e firmës.

Edhe Manchester City me PSG vazhdojnë ta ndjekin situatën me interes: fundi duket se mbetet për t’u shkruar, e vetmja gjë e sigurt është se Alaba nuk do të qëndrojë te Bayern Munich.

Lajme të tjera

Lajmet e fundit