Barcelona i ka dhënë fund një tjetër sezoni zhgënjyes në kampionatin spanjoll. Katalansit, në fakt, janë mundur 2-0 në shtëpi nga Villarreal-i në javën e 38-të të La Liga-s 2021/22.
Një gol në fundin e pjesës së parë dhe një në fillimin e pjesës së dytë kanë vendosur ndeshjen e luajtur në Camp Nou mbrëmjen e sotme.
BARCELONA-VILLARREAL 0-1 VIDEO
Pedraza ka zhbllokuar sfidën në minutën e 41-të duke finalizuar në mënyrën e saktë një aksion shumë të bukur të skuadrës së Unai Emery.
Në 45 minutat e dyta, më saktësisht në minutën e 55-të, ka ardhur edhe goli i dytë i miqve i shënuar nga Gomez, i cili ka shënuar pas një “asisti” të marrë nga sulmuesi i katalanasve, Traore.
BARCELONA-VILLARREAL 0-2 VIDEO
Barcelona e ka mbyllur kampionatin në vendin e dytë me 73 pikë, 13 larg Real Madrid-it kampion, ndërsa Villarreal e ka mbyllur në vendin e shtatë.
