Keidi Bare, mesfushori i Shqipërisë, ka folur për RTSH në përfundim të ndeshjes së fituar kundër Islandës në kualifikueset për Euro 2020.
“Sot dhamë gjithçka në fushë dhe luajtëm shumë mirë me topin. Jam shumë i gëzuar për fitoren. Golat e pësuar? Humbëm shumë përqendrimin dhe kur kjo ndodh është normale që të pësosh gol”.
“Ku e shikoj veten? Shkallët nuk ngjiten dhjetë e nga dhjetë, por një e nga një. Me punë mund të arrish kudo. Unë luaj dhe vrapoj për ekipin. Fanella e kombëtares është lëkura ime e dytë. Kur shkoj në shtëpi dhe ndihem i lodhur, atëherë mendoj se kam dhënë gjithçka”.