Bayern Munich duket se ka rikuperuar formën më të mirë të mundshme pas vështirësive të kaluara në muajin nëntor. Bavarezët kanë marrë një tjetër fitore bindëse në javën e fundit të kampionatit gjerman, duke mundur 4-0 në transfertë skuadrën e Hannover falë golave të  Joshua Kimmich, David Alaba, Serge Gnabry dhe Robert Lewandowski.

Kjo ka qenë fitorja e tretë radhazi për kampionët në fuqi të Bundesliga-s. Humbja 3-2 e pësuar në "Der Klassiker" kundër kryesuesve të Borussia Dortmund duket se është harruar tashmë dhe, për shkak se Champions League nuk do të luhet deri në muajin shkurt, lojtarët e Niko Kovac do të synojnë ta mbyllin 2018-ën në mënyrën më të mirë të mundshme. Ata do të presin në shtëpi mbrëmjen e së mërklurës një Leipzig që po zhvillon një sezon me shumë ulje-ngritje.

 Statistika

– Leipzig ka fituar 2-1 në shtëpi kundër Bayern kur këto dy skuadra janë përballur për herë të fundit marsin e kaluar.

– Bayern ka fituar katër nga pesë ndeshjet e fundit (4 fitore, 1 barazim).

– Bavarezët kanë shënuar tre ose më shumë gola në  pesë nga gjashtë takimet e fundit.

– Të dy skuadrat kanë shënuar në 71% të ndeshjeve të këtij kampionati që Bayern ka luajtur në shtëpi.

– Leipzig ka humbur katër ndeshjet e fundit që ka luajtur në transfertë.

– Leipzig ka shënuar të paktën një gol në tri nga katër ndeshjet e fundit të luajtura kundër Bayern.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.