Frenkie de Jong dhe Matthijs de Ligt janë dy objektivat kryesorë të disa klubeve europiane. Ankandi është hapur dhe të dy lojtarët mësohet të kenë informuar Ajax-in kohët e fundit se duan të largohen. Sipas "SportBild", Bayern Munich ka përgatitur 150 milionë euro për dyshen holandeze.

E përditshmja gjermane ka folur për një "plan rinovimi" të Bayern, që do të humbasë në fund të këtij sezoni Robben dhe Ribery. Gjithashtu, në listën e largimeve janë edhe emrat e Hummels, Javi Martinez, Boateng. Bavarezët duna të përforcohen në mbrojtje, mesfushë dhe sulm.

Një tjetër përforcim, gjithmonë sipas shtypit gjerman, 22-vjeçari Pavard do të luajë me kampionët e Gjermanisë në fuqi sezonin e ardhshëm. Kampioni i botës pritet të kalojë te Bayern nga Stuttgart për 35 milionë euro. Gjithashtu, drejtuesit e klubit gjerman interesohen edhe për Luka Jovic, golashënuesi më i mirë i Bundesliga-s, dhe Ante Rebic, të dy në radhët e Frankfurt-it.

Trajneri i Ajax-it, Eric ten Hag, ka konfirmuar interesin e Bayern dhe ka thënë se: "Gjashtë të mëdhatë e Europës duan këta dy lojtarë. Nuk ka klauzolë lirimi, çmimin e vendos Ajax-i dhe kjo gjë i jep siguri klubit për të planifikuar të ardhmen".

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.