Bayerni ofron më shumë se 100 milionë euro për objektivin e Real Madridit

23 Tetor 2021
14:31
Alfred Lleshi

Victor Osimhen është një nga futbollistët e lakmuar nga Real Madridi. Sulmuesi 22-vjeçar nigerian është një nga sensacionet e Serie A, falë 8 golave ​​të tij në 9 ndeshje për Napolin. Ai është në shënjestër të “Los Blancos”, në rast se opsionet e Mbappe, Haaland apo Lewandowski nuk përmbushen.

Megjithatë, një rival i fortë është përzier në këtë çështje. Sapo është bërë e ditur se Bayern Munich tani do të luftojë fort për Osimhen. Klubi bavarez është i gatshëm të ofrojë më shumë se 100 milionë euro këtë verë për transferimin e tij, sipas asaj që theksojnë burimet nga Italia.

Lufta në Evropë për të marrë sulmuesit më të mirë në kontinent po bëhet çdo ditë e më e ashpër. Chelsea, PSG, Manchester United dhe Bayern Munich janë klubet që rivalizojnë më shumë në merkato me Real Madridin sot. Mbappe vazhdon të jetë prioriteti i të bardhëve, ndonëse ditët e fundit doli lajmi se edhe Barcelona është përfshirë në garë për yllin francez.

Lajme të tjera

Lajmet e fundit