Prej kohësh u raportua se Benfica po negocion me agjentin e Joao Felix për të rinovuar kontratën e tij me klauzolë 200 milionë euro.
Këtë hipotezë e ka hedhur poshtë vetë presidenti i klubit portugez, Luis Filipe Vieira, i cili theksoi se për dy arsye nuk do të rinovojë kontratën me 19-vjeçarin: Lojtari ka kontratë 5-vjeçare dhe s’ka për çfarë ta zgjasë më tej kontratën, si dhe ka klauzolë largimi 120 milionë euro.
“Felix ka kontratë 5-vjeçare dhe ne nuk kemi nevojë të rinovojmë, ai ka klauzolë largimi 120 milionë euro dhe për këtë ne nuk jemi të shqetësuar”, tha Vieira.
Me këtë lëvizje Benfica i ka hapur rrugën të gjithë klubeve që duan shërbimet e Cristiano Ronaldos së ardhshëm. Atletico Madrid dhe Juventus janë më të interesuarit, për ta marrë thjesht duhet të paguajnë 120 milionë e kërkuara dhe bëhet i tyri.