Presidenti i Benfica, Luis Filipe Vieira, shoqëria që drejton klubin dhe ai që zotëron stadiumin, janë paditur nga drejtësia portugeze për shmangie nga taksat.
Sipas gazetës sportive “A Bola” dhe e konfirmuar më pas nga disa media portugeze, çështja ka të bëjë me pagesa në vlerë prej 1.8 milion euro në vitin 2018 për një ofrues të shërbimeve IT për punën që nuk u bë kurrë.
Po ashtu, sipas shtypit lokal, Luis Filipe Vieira u dëgjua nga drejtësia të martën në mëngjes por klubi nuk e ka konfirmuar. Prokurori konfirmoi vetëm ekzistencën e një hetimi të fakteve që mund të përbëjnë një krim të mashtrimit tatimor ndërsa burime nga gjyqësori zbuluan se akuza përfshin një person dhe dy kompani.
