Karim Benzema, sulmues francez i Real Madrid dhe i Francës, ka folur në lidhje me Topin e Artë në një intervistë të dhënë për AS.
ÇMIMI – “Ëndërroj që në fëmijëri që të fitoj Topin e Artë. Mendoj se është ëndrra e të gjithë lojtarëve. Është e vërtetë se gjëja më e rëndësishme është gjithmonë skuadra, por kur ndihmon skuadrën tënde të fitojë me shumë gola, objektivi i parë personal është Topi i Artë”, ka pranuar Benzema.
“Natyrisht, do të bëj gjithçka është e mundur dhe do të punoj sa më shumë të jetë e mundur për ta siguruar atë trofe të madh, që të realizoj një ditë atë ëndërr që kam që në fëmijëri”.
MBAPPE – Benzema ka folur edhe për Mbappe, shoku i tij te kombëtarja dhe koleg i mundshëm te Real Madrid në të ardhmen:
“Është një djalosh i ri me shumë cilësi. Mbappe është një fenomen për shkak të lojës së tij dhe moshës së tij. Është shumë i aftë, dhe është një djalosh shumë i mirë. Më pëlqen shumë të luaj me atë, edhe me Griezmann, që lëviz mirë në hapësira të ngushta. Argëtohem shumë kur luajmë bashkë te Franca. Më pëlqen shumë të luaj me ata të dy”.
