Janë luajtur ndeshjet e raundit të 19-të të Euroleague në basketboll për meshkuj. Skuadra turke e Anadolu Efes kryeson e vetme renditjen, me 16 fitore dhe 3 humbje deri më tani. Turqit fituan 88-68 ndaj italianëve të Armani Milano, ndeshje e dominuar nga skuadra e Anadolu, ku u dallua Lane Sharkin, autor i 23 pikëve.
Ditë e keqe për ekipet spanjolle. Real Madrid u mund 60-55 nga kampionët në fuqi të CSKA Moskë, ndeshje me shumë gabime në gjuajtje dhe ku ekipet mbrojtën fort. Mike James me 19 pikë ishte shënuesi më i mirë për moskovitët në këtë sfidë. Humbet edhe Barcelona, që u mund 92-85 nga izraelitët e Maccabi Tel Aviv (Dorsey 19 pikë).
Euroleague – Raundi i 19-të
CSKA Moskë – Real Madrid, 60-55
Khimki Moskë – Valencia Basket, 75-84
Anadolu Efes – Armani Milano, 88-68
Fenerbahce – Villeurbanne, 86-64
Olympiacos – Alba Berlin, 86-93
Maccabi Tel Aviv – Barcelona, 92-85
Zenit st.Petërburg – Baskonia Gasteiz, 72-66
Crvena Zvezda – Zalgiris Kaunas, 70-76
Panathinaikos – Bayern Mynih, 98-83