Pas Francës, Maltës, Qipros, Holandës, Belgjikës, Skocisë, Irlandës së Veriut, një tjetër kampionat ka mbyllur dyert për këtë sezon dhe nuk do të vijojë më: Bosnja Hercegovina!

Federata Boshnjake e Futbollit vendosi që të pezullonte sezonin, duke i dhënë kështu titullin në tavolinë Sarajevos (viti i dytë radhazi që triumfojnë). Bien nga kategoria Celik dhe Zvijezda, si e parafundit dhe e fundit, ndërsa në Europë do të shkojnë Zeljeznicar, Zrinjski dhe Borac Banja Luka. Lajmi i titullit për Sarajevo ka acaruar tifozët e Zeljeznicar dhe Zrijnski Mostar që akuzojnë Sarajevon si ekip “mafioz” pasi përkëdhelet nga federata.