Broja me shokë ndalin City-n, Laporte shpëton Qytetarët (Video)

22 Janar 2022
20:33
Denis Hakanaj

Manchester City nuk ka shkuar më larg se një barazim 1-1 kundër Southamton në javën e 23-të të Premier League.

Ndalet kështu vrapi i Qytetarëve, që është paraqitur në këtë ndeshje pas 12 fitoresh radhazi të marrë në kampionatin anglez.

Ka nisur keq ndeshja e luajtur në St. Mary Stadium për lojtarët e Pep Guardiola-s.

Walker-Peters, në fakt, ka kaluar në avantazh bardhekuqtë pas vetëm shtatë minutash lojë me një gol shumë të bukur.

Ylli i Shipërisë, Armando Broja, ka dyfishuar avantazhin e të tijve në minutën e 24-t, por goli është anuluar për pozicion jashtë loje nga VAR.

Në minutën e 65-të ka ardhur episodi që ka vendosur fatin e ndeshjes.

Laporte ka shënuar me një goditje me kokë golin që ka fiksuar shifrat në 1-1.

Standings provided by SofaScore LiveScore

Lajme të tjera

Lajmet e fundit