Ligue 1

Buffon sfidon Juventus-in dhe ka një mesazh për Icardi-n: Nuk më mungon aspak

Gianluigi Buffon nuk mund ta harrojë Juventus-in, edhe pse do të donte ta sfidonte dhe ta mundte në fushën e lojës. I futar në emisionin “Tiki-Taka”, portieri i Paris Saint-Germain ka folur për të tashmen e tij në Paris, të ardhmen në Francë dhe Europë, objektivin Champions League dhe, natyrisht, Juventus-in.

“Është e vërtetë, do të më pëlqente ta sfidoja në Champions”, ka thënë ish-numri një i “Zonjës”. “Por jo në finale. Çdo fazë tjetër e kompeticionit do të ishte e mirë. Nuk mund të them se Juventus ka qenë gjithë jeta ime, por një pjesë e rëndësishme e saj”.

Të premten luhet derbi i Italisë, por Buffon  duket nuk e ndien mungesën e kësaj sfide. Vençanërisht për shkak të Mauro Icardi-t: “Icardi? Nuk më mungon, sepse sa herë që jemi përballur më ka shënuar”.

Në fund ka ardhur edhe një koment për kombëtaren e Italisë: “E adhuroj Italinë, nuk mund të jetë ndryshe, por tani është e drejtë t;i jepet besim të rinjve dhe trajnerit që po bën një punë shumë të mirë. Portierët tani janë shumë cilësorë”, ka thënë Buffon.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.

Më shumë nga Ligue 1