Ish-futbollisti i Liverpool, Jamie Carragher, është shprehur i shqetësuar për momentin që po kalon ish-skuadra e tij pas humbjes së papritur të pësuar në kampionat kundër Burnley-t.
“Në këtë moment, duket se titulli po i ikën nga duart Liverpool-it”, ka thënë Carragher për Sky Sports. “Do të jetë shumë e vështirë për ata”.
“Mendoj se në javët e ardhshme skuadra do të shqetësohet më shumë për të siguruar një vend mes 4 të parave sesa për fitoren e kampionatit”.
“Është e vështirë të besohet ajo që i ka ndodhur Liverpool-it në javët e fundit. Në fillim ka mundur 7-0 Crystal Palace dhe më pas shumë lojtarë kanë humbur formën”.
“Ka shumë skuadra që luftojnë për të siguruar një vend n Champions League në këtë sezon dhe Liverpool do të jetë në rrezik deri kur nuk do të ketë dalë nga kjo krizë”.
