Antonio Cassano, ish-sulmuesi i Milanit dhe Interit, por edhe i Italisë, gjatë episodit të radhës në platformën Tëich në kanalin Bobo TV, foli për situatën e Max Allegrit në Torino dhe ecurinë negative të Juventusit këtë sezon që jo vetëm ka humbur trenin për titull pas 14 javësh, por do të duhet të luftojë jo pak për të qenë brenda katërshes së parë.
Cassano ndaj Allegrit
“Ai është një trajner i mirë vetëm nëse ka njëzet kampionë. Diskuton, argumenton dhe gjen zëvendësimet. Por në atë moment edhe nëna ime do të mund të stërviste.
Por ai nuk është trajneri i duhur për të rindërtuar, gabimin më të madh e bëri Agnelli që e ktheu pas tre vjetësh.
Spalletti luajti një futboll të mrekullueshëm te Zenit, te Interi ndërtoi atë që Conte më pas përfundoi. Te Roma ishte spektakolar, por te Interi bëri një kryevepër.
Edhe me zgjedhje dhe vështirësi të forta, aty ku ka shkuar gjithmonë ka dhënë një tronditje të mirë.
Spalletti është një trajner i madh si Sarri dhe Mancini”.
Pak dite me pare, Cassano tha: “Më shqetësueset janë deklaratat. Mund te tallesh me ata që nuk kanë luajtur kurrë futboll, të paaftëve, por tifozët kanë sy dhe mbi të gjitha jemi ne. A tha ai se ata kishin një pjesë të parë të mirë?
Nëse ndeshja përfundonte 9-0, ai duhej të thoshte edhe faleminderit, ata nuk bënë gjysmë dalje. Chelsea e ka copëtuar Juventusin për ritëm dhe ide. Allegri nuk mund të vazhdojë kështu, ose bën një lëvizje ose shkon keq e me keq. Juve është skuadra më e fortë në Itali, por 4-4-2 e tyre më kujton atë të Simeones që vendosi mesfushorët qendrorë ne krah.
Allegri mund te marre 10, 20, 30 milionë por dikush duhet ta ndihmojë: Shen Meria, psikologu, psikiatri, dikush nga dyqani i verërave që e bën të pijë. Ai është i mirë në menaxhimin e kampionëve, por rindërtimi dhe dhënia e një loje duke marrë Allegrin ishte gabimi më i madh që Juve mund të bënte. Nuk është se ai nuk mund dhe nuk dëshiron të bëjë disa gjëra, është se ai nuk di t’i bëjë ato”.
