Ceremoni në Kosovë, FSHV nderon ikonën e volejbollit shqiptar Doland Suxho

16 Janar 2023
11:34
Telesport
back button

Gjatë eventit të Ligës “Gjergj Kastrioti”, në ndeshjet e luajtura në Kosovë, është zhvilluar një ceremoni e veçantë. Presidenti i Federatës Shqiptare të Volejbollit (FSHV), Erlind Pëllumbi,  shfrytëzoi ndeshjen mes Dritës dhe Skënderbeut për të nderuar volejbollistin me origjinë nga Korça, Donald Suxho.

Pëllumbi i dhuroi fanellën e kombëtares shqiptare të personalizuar me numrin 7 dhe emrin Suxho, fanellë që ai e ka veshur dikur. Ikona e volejbollit, që arriti në majat e këtij sporti me kombëtaren amerikane, aktualisht ndodhet në Kosovë, ku po zhvillon një kurs dhe ndihmon kombëtaren U-17 për vajza.

Suxho, në fjalën e tij e ka falenderuar FSHV-në dhe presidentin Pëllumbi për këtë dhuratë të çmuar, e cila e kthen prapa në kohë, teksa bënte hapat e parë në volejbollin shqiptar. Në vitet 1992-1994, ai luante për ekipin kombëtar shqiptar të volejbollit përkah Roland Tare, Artan Kamberi, Bledar Doçi, Judmir Komini, Naim Limanaj etj.

Suxho në karrierën e tij ishte pjesëmarrës në kampionatet botërore dhe Lojërat Olimpike, duke qenë edhe kapiten i Amerikës, duke e përfaqësuar emrin e volejbollit shqiptar në nivelet më të larta. Ai ka vlerësuar nismën e Shqipërisë e Kosovës për të organizuar Ligën “Gjergj Kastrioti”.

Lajme të tjera

Lajmet e fundit