Sezonin e shkuar shkruajtën historinë në Poloni, teksa fituan titullin kampion në mëyrë të pabesueshme. Pikërisht ai ekip që ka ndërruar emrin më shumë se sa 10 herë dhe që e ka nisur nga kategoria e shtatë për të sfiduar ekipet elitare.
Po flasim për Piast Gliëice, një qytezë e vogël në Poloni, që sigurisht do ta ketë të vështirë të kapërdijë faktin se ëndrra për të bërë rrugë në Champions League u shuajt pas vetëm 82 minutash… Në fakt, deri në atë moment, skuadra polake po fitonte 1-0 ndaj BATE Borisov, që në Bjellorusi ishte ndalur nga një 1-1 befasues pikërisht nga miqtë polakë.
Por, një penallti dhe një gol, e gjitha në harkun e pesë minutave, solli kapitullimin e Piast dhe kualifikimin e një skuadre që fiton titullin radhazi prej më shumë se një dekade në Bjellorusi dhe që në Europë ka mbi 150 ndeshje të luajtura. Eksperienca, këtë herë, goditi!