Menjëherë sapo Chelsea-t i është hequr pezullimi i transferimeve mediet angleze kanë raportuar emrat e parë që thuhet të kenë nisur kontaktet me The Blues.
Njëri prej tyre është Nathan Ake. Holandezi 24-vjeçar ka qenë te Chelsea nga viti 2013 deri 2017, përpara se të vendoste të shkonte te Bournemouth.
Qendra e mbrojtjes është një pozicion që ka shfaqur probleme në skuadër, sidomos pas dëmtimit të Rudiger, i cili do të mungojë për shumë kohë.
Ake thuhet të kushtojë rreth 48 milionë euro. Këtë sezon ai ka zhvilluar 16 ndeshje në Premier League duke shënuar edhe një gol.