Chelsea dhe Liverpool po përballen në Wembley në finalen e Kupës së Anglisë. Të Kuqtë duan të mbajnë gjallë ëndrrën e pokerit të titujve, ndërsa londinezët duan të shpëtojnë sezonin.
Rasti më i pastër i 45 minutave të para, të mbyllura në barazim 0-0, ka qenë për skuadrën e Jurgen Klopp dhe më saktësisht për Luis Diaz.
Kolumbiani ka marrë një pasim të mrekullueshëm nga Alexander-Arnold, por nuk ka arritur ta finalizojë siç duhet, me gjuajtjen e tij që është ndalur nga pritje shpëtimtare e Mendy.
VIDEO VIDEO VIDEO
Nuk kanë munguar rastet edhe për londinezët, me Pulisic që ka shkuar disa herë afër golit, por pa e gjetur atë edhe falë pritjeve të Alisson.
Lajmi i keq për Klopp ka ardhur në minutën e 33-të, kur Mohamed Salah ka qenë i detyruar të lërë fushën për shkak dëmtimit. Në vendin e tij është aktivizuar Jota.