Pasi ka kontribuar në arritjen e pestë të karrierës së tij me fanelën Werder Bremen, sulmuesi peruan i lindur në vitin 1978, Claudio Pizarro, ka njoftuar tërheqjen e tij nga futbolli.

Ai e bëri dje, në përfundim të play-off-it për mbijetesën të zhvilluar nga skuadra e Milot Rashicës përballë surprizës së Bundesliga 2, Heidenheim. Mjaftuan dy barazime dhe njëri me gola që t’i jepte biletën për të qëndruar Bremenit.

Pavarësisht se nuk ka luajtur as një minutë në dy sfidat vajtje-ardhje, edhe pse 41 vjeç, “El Barbaro” këtë vit zbriti në fushë 18 ndeshje në kampionat duke vënë në dispozicion të trajnerit Florian Kohfeldt gjithë lidershipin dhe përvojën e tij.

Golat e fundit zyrtare mbeten ato të 6-1 kundër Atlas SV, një vit më parë (më 10 gusht 2019) në Kupën e Gjermanisë. Në fund, pra, përkundër një viti për të thënë sa më pak të komplikuar, veterani i Bundesligas arriti t’i jepte fund karrierës së tij duke ruajtur elitën!

Një lidhje, ajo midis Claudio Pizarro dhe Werder, e cila ka karakterizuar pjesën më të madhe të karrierës së bomberit peruan. Në plot katër momente të ndryshme, në fakt, numri 14 bardhejeshil ka luajtur me klubin e Bremenit, që e bleu herën e parë në vitin 1999 nga Alianza Lima, duke e marrë në Europë 20-vjeçar.

Që në atë kohë, Pizarro tregoi klasin dhe nuhatjen e bomberit me 38 gola mes kampionatit dhe kupave në dy vite. Një shpërthim që i dha mundësi të fitonte vëmendjen e Bayern Munich, ku firmosi në vitin 2001 dhe ku qëndroi 6 vite duke shënuar 100 gola. Ishin sezonet e fitoreve dhe trofeve të parë: 3 Bundesliga dhe Kupën e Gjermanisë, përtej një Kupe Lige Gjermane dhe Kupën Interkontinentale.

Me Bayern edhe Champions në vitin 2013. Plot 200 gola në Bundesliga për një legjendë…