Basketbollisti i Milwaukee Bucks, Giannis Antetokounmpo, realizoi 12 pikë e 9 rebound në takimin e fituar 126-113 ndaj Washington, por ai luajti vetëm në periodën e parë të ndeshjes. MVP-ja i sezonit të kaluar u përjashtua nga loja në periodën e dytë, pas një gjesti antisportiv.
Në minutat e para të periodës së dytë, Giannis godet me kokë rivalin e tij të Wizards, Mo Wagner, në një moment kur loja kishte ndalur. Giannis shkaktoi faull në sulm pak sekonda para se të godiste rivalin me kokë, një gjest që u konsiderua si antisportiv nga gjyqtarët, që e përjashtuan.
Giannis Antetokounmpo u duk nervoz pas faullit në sulm që i dhanë gjyqtarët dhe reagoi në mënyrë të gabuar. Kjo është hera e katërt në karrierën e basketbollistit grek që ai largohet nga fusha me teknike përjashtimi, e treta në sezonin e rregullt. Bucks ka rekordin më të mirë sezonal në NBA.
Giannis Antetokounmpo has been ejected from tonight's Bucks-Wizards game for headbutting Washington's Moe Wagner in the 2nd quarter.
It is his 3rd career ejection in the regular season & 4th overall including playoffs (1st since April 1, 2018 at Nuggets). pic.twitter.com/R97BY0poql
— ESPN Stats & Info (@ESPNStatsInfo) August 12, 2020
