Lojë e dobët, por të rëndësishme janë pikët, këtë mendon trajneri Ilir Daja pas ndeshjes së fituar me shumë vuajtje ndaj Flamurtarit me rezultatin 1-0.
Fitore – “Para ndeshjes e kam thënë se duhet të ishim pragmatistë dhe kishim vetëm 2 javë në dispozicion. Muskujt i kanë të rënduar dhe nuk kanë shpejtësi veprimi në zona të vogla. Të rëndësishme ishte që të merren 3 pikët”.
Merkato – “Do vazhdojmë të jemi aktivë në merkato, pavarësisht se lojtarët e mirë që bëjnë diferencën ishin me ekipe. Kishim pak mundësi për të thithur elementë pozitive, por do të jemi në merkato”.
Mbrojtja – “Kemi dy lojtarë në qendër të mbrojtjes. Turtulli dhe Pollozhani janë të vetmit dhe nuk kemi alternativa. Dita mund të spostohet, por ka sakrifikuar, pasi ka patur dëmtim para 3-4 ditësh”.
Rastet e humbura – “Muskujt janë të ngarkuar dhe te porta mund të bënim më mirë. Kemi potencial për të bërë më mirë. Duhet të jemi më shumë në ekuilibër. Duhet të përmirësohemi fizikisht”.