Mirlind Daku debutoi me kombëtaren e Shqipërisë në barazimin 1-1 ndaj Çekisë në Pragë. Sulmuesi nga Gjilani, i cili luan në Rusi me Rubin Kazan, u përlot në prononcimin për emisionin “KUQEZI” në SuperSport 2. Ku ndër të tjera tha:
“Jam pa fjalë, isha totalisht i emocionuar që arrita të debutoja me Kombëtaren shqiptare. Ka qenë një moment shumë i mirë për mua dhe familjen time.
Lotët? Për këtë arsye luftojmë që të bëjmë krenarë popullin tonë. Kjo është më shumë se një Kupë Bote kur sheh gjithë ata njerëz duke na përkrahur.
Rasti? Mendova ta shtyja topin te Bajrami. Por mendova se ishte offside dhe vendosa të pasojë te Muja. Nuk deshi Zoti… Shpresoj që ndeshjet e ardhshme do të jemi më syhapur”, deklaroi Daku.
Kur e shikon në foto qartë duhet të reagonim më mirë. I kërkoj falje lojtarëve. Në Kosovë jemi rritur me Kombëtaren kuqezi, me ndeshjet historike. Gjithë ato ndeshje janë inspirim për ne. Kur erdhi ftesa për Kombëtaren nuk hezitova. Jam te Kombëtarja e gjithë shqiptarëve anë e mbanë botës.
Rëndësi ka mos ta ndalësh besimin që ke në vete dhe të arrish maksimumin. Kam qenë në tonus dhe do të vazhdoj deri në arritjen e maksimumit. Doja t’i falenderoj të gjithë shqiptarë, trajnerin, presidentin, që ma ka bërë më të lehtë. Shpresoj që të jemi në Europian”, deklaroi Daku.
