Joana Sanz, tashmë ish-gruaja e Dani Alves, është rikthyer për të folur mbi futbollistin brazilian, i izoluar në një burg të Barcelonës prej 20 janarit të kaluar me akuzën për sulm seksual. Faqja braziliane “UOL” ka mbledhur disa detaje mbi vizitat e modeles tek ish-mbrojtësi i Barcelonës në burg.

Pavarësisht ndarjes, modelja vazhdon ta vizitojë Dani Alves. Pikërisht për këto vizita, ajo zbuloi: “E shoh në distancë dhe flasim vetëm në telefon kur e vizitoj në burg. Nuk na lënë kurrë vetëm.

Janë kabina transparente dhe pranë tyre ka njerëz të tjerë, që po të flasim me zë na dëgjojnë. Për këtë arsye më janë neveritur ato kushte, dhe sepse nuk kemi mundur të flasim për gjërat serioze të vetes sonë. Unë nuk kam mundur t’ia them ato që ndiej përbrenda akoma”.