Mbrojtësi i Inter-it, Matteo Darmian, është shprehur optimist për ecurinë e Inter-it në Champions League pas humbjes kundër Real Madrid.
“Ka qenë një humbje e pamerituar. Po flasim për një humbje në minutën e 90-të pas një paraqitje të madhe nga ana e të gjithëve”, ka thënë Darmian për Inter Tv.
“Kualifikimi? Një ndeshje nuk mund të na heqë siguritë. Nëse do ta luajmë çdo ndeshje të Champions-it siç luajtëm ndaj Real, nuk do të kemi probleme të kualifikohemi”.
Ndeshja e ardhshme e zikaltërve në Champions League do të jetë kundër Shakhtar Donetsk të Roberto De Zerbi. Një ndeshje në të cilën Inter do të duhet të marrë patjetër tri pikët.
