Barcelona pretendon se Matthijs de Ligt zgjodhi Juventusin për motivin e vetëm të parave.

Barça ishte favorite për blerjen e qendërmbrojtësit, por ai zgjodhi Juventusin me një rrogë vjetore 8 milionë euro plus 4 milionë bonuse në pesë vite.

“I bëmë një ofertë, por ai preferoi Juven, ku taksat italiane e lejojnë të fitojë më shumë para,” shprehet CEO Oscar Grau gjatë një prezantimi të buxhetit të klubit.

“Neymar? Bëmë një ofertë të madhe për të, një pa lojtarë në shkëmbim dhe një me lojtarë, por ai ishte i paarritshëm. Megjithatë, kam ndjesinë se PSG nuk ishte i hapur për shitjen e tij.”