DEKLARATA/ Pioli nuk dëgjoi Ibrën, tregon si e fitoi ndeshjen ndaj Interit!

17 Tetor 2020
20:45
Eraldo Harlicaj
back button

Stefano Pioli foli pas fitores në derbi kundër Interit me rezultatin 2-1. Ai tregoi për mikrofonët e  Sky Sport se nuk pranoi të zëvendësonte Zlatan Ibrahimovicin dhe pse ky i fundit ia kërkoi.
Fitorja – “Unë tashmë thashë dje se rezultati i sotëm nuk do të ndryshojë asgjë. Ne jemi të kënaqur, mundëm një ekip të shkëlqyer, ishim të mirë në vuajtje, një fitore e rëndësishme për tifozët tanë fantastikë.
Ata na shoqëruan në stadium. Rruga jonë është akoma e gjatë, ka akoma shumë gjëra që mund të përmirësojmë”.
Ibrahimovic – “Ai ishte shumë i lodhur, gjithashtu më kërkoi ta hiqja nga fusha, por nuk e dëgjova atë. Kontributi i tij i karakterit është thelbësor, jemi në rrugën e duhur, po rritemi”.
Leao – “Isha i befasuar që askush nuk e priste Leaon në fushë, gjithmonë kemi luajtur me një krah në të djathtë që ka hap dhe një sulmues në të majtë. I besoja atij pas ndeshjes së fundit. Marim rreziqe, por do të rrezikonim më shumë nëse i linim Interit fushën… Mënyra jonë ishte përpjekja për të luajtur ndeshjen dhe jo për ta vuajtur atë. Mendojmë se kemi shumë situata të favorshme dhe përpiqemi t’i shfrytëzojmë ato”.
Titulli – “Më pëlqen të mendoj pozitivisht, por për mendimin tim ka 3/4 skuadra që kanë investuar më shumë se ne. Kemi investuar por në plan afatgjatë. Duhet të jemi ambiciozë. Kampionati do të jetë shumë i vështirë, ne jemi shtatë skuadra të nivelit të lartë, në fund katër do të jenë të lumtura, shpresojmë të jemi në mesin e atyre të katërtave.
Për të luftuar për Scudetto duhet të ngresh nivelin e cilësisë së lojtarëve, ne po e bëjmë por një vit i vetëm nuk mund të jetë i mjaftueshëm. Klubi ka bërë mirë, ka vendosur disa kampionë së bashku me disa të rinj të talentuar të ardhshëm”.

Lajme të tjera

Lajmet e fundit