Ekipi i Milwaukee u mund 139-123 nga Indiana, një humbje që nuk prish aspak planet e skuadrës së Bucks, në krye të renditjes në Lindje dhe i kualifikuar në play off. 8 lojtarë të Indiana realizuan mbi 10 pikë, duke i bërë të pavlefshme 25 pikët e Antetokounmpo.
Fitore të rëndësishme arriti ekipi i Denver, që mundi 119-100 Detroit jashtë fushe, duke u bërë ekipi i dytë që ka siguruar matematikisht fazën play off. Nikola Jokic protagonist për miqtë, autor i 30 pikëve dhe 10 rebound. Sacramento, falë 24 pikëve e 21 rebound të Sabonis, mundi 101-96 Brooklyn.
Fiton edhe ekipi i Phoenix, që mundi 116-113 Orlando, sfidë ku Brooker realizoi 19 pikë, por vendimtar ishte stoli i Suns, me 41 pikë. Toronto mposhti 128-111 Oklahoma, ndeshje ku diferencën për ekipin kanadez e bënë Siakam me 25 pikë e Trent me 23 pikë.
NBA – Rezultatet e sotme
Detroit – Denver, 100-119
Brooklyn – Sacramento, 96-101
Toronto – Oklahoma, 128-111
Milwaukee – Indiana, 123-139
Phoenix – Orlando, 116-113
