Tirana dhe Partizani janë dy skuadrat finaliste të Kupës së Pavarësisë në volejboll për meshkuj, të kualifikuara mbrëmjen e sotme pas ndeshjeve gjysmëfinale, të luajtura në Farkë. Në këtë event marrin pjesë dy ekipe nga Shqipëria e dy nga Kosova.

Tirana, në gjysmëfinalen e parë, mundi 3-0 kosovarët e Luboteni (25-16, 26-24, 25-17), një ndeshje e komanduar nga bardheblutë. Miqtë nga Kosova dueluan vetëm në setin e dytë, shumë pak për të shpresuar të fitojnë.

Disi më e bukur gjysmëfinalja tjetër, ku Partizani fitoi 3-0 ndaj Pejës (25-22, 25-21, 25-20). Një sfidë e ekuilibruar në shumicën e kohës, me kosovarët që rivalizuan disi, por pa mundur të mposhtin Partizanin, më i saktë dhe i kujdesshëm në pikët e fundit në cdo set.

Kupa e Pavarësisë-Meshkuj

Tirana – Luboteni, 3-0

Peja – Partizani, 0-3

Finale

Tirana – Partizani, 27 nëntor

Kupa e Pavarësisë-Femra

Drita – Skënderbeu, 0-3

Partizani – Fer Volej, 3-0

Finale

Partizani – Skënderbeu, 27 nëntor