Trajneri francez për zgjedhjet për dy ndeshjet kualifikuese të Euro 2024 kundër Gjibraltarit dhe Greqisë.
Didier Deschamps ka publikuar listën e skuadrës për Francën për dy ndeshjet e ardhshme kualifikuese për Euro 2024 kundër Gjibraltarit dhe Greqisë.
Duke folur në konferencën për shtyp, trajneri transalpin shpjegoi mbi të gjitha zgjedhjet e tij duke u ndalur te mungesa e Lacazette, i cili ka zhvilluar një sezon të mrekullueshëm dhe më pas ka folur edhe për të ardhmen e Pogba.
Për sulmuesin: “Lacazette ka shënuar shumë? Aq më mirë për të nëse ka shënuar shumë gola. Ai po luan më shumë se sezonin e kaluar, ai ka pasur gjithmonë cilësi në finalizime.
“Ka shumë konkurrencë në sulm, ne e ndjekim, por sot Kolo Muani dhe Giroud janë dy që e zënë këtë pozicion”.
Siç u përmend, Deschamps gjithashtu foli edhe për sezonin e Pogba: “Kam folur shumë me Paul. Ai pati një sezon shumë të vështirë, edhe jashtë fushës.
“Ai pësoi dëmtime të përsëritura dhe tani ka përsëri një problem. Ai ishte një lojtar thelbësor për ne, a do të jetë akoma në vitet e ardhshme? Shpresoj që po. Shpresoj kështu për të dhe për Francën”.
Lista e të grumbulluarve:
PORTIERËT: Areola, Maignan, Samba.
MBROJTËSIT: Disasi, W. Fofana, T. Hernandez, Konaté, Koundé, F. Mendy, Pavard, Upamecano.
MESFUSHORËT: Camavinga, Y. Fofana, Griezmann, Rabiot, Tchouaméni.
SULMUESIT: Coman, Dembélé, Giroud, Kolo Muani, Mbappé, Nkunku, Thuram.
