PSG do të përballet në çerekfinale me Atalantën, hirushen e këtij kompeticioni. Francezët dhe italianët janë dy modele të ndryshme, pasi kampionët e Francës e bazojnë forcën e tyre te fuqia ekonomike, ndërsa italianët janë një shembull suksesi se si duhet të funksionojë një klub.

Një detaj interesant është fakti që vetëm rroga e Neymarit është po aq e lartë sa e gjithë borderoja e skuadrës nga Bergamo. Gazzetta dello Sport i bëri një analizë përfitimeve të lojtarëve të Atalantës dhe diferencat janë të frikshme.

Neymar fiton 36 milionë euro në vit, ndërsa Papu Gomez, Josip Ilicic dhe Duvan Zapata fitojnë më shumë tek Atalanta. Ata kanë një rrogë prej 1.2 milion eurosh në vit. Mjafton kaq për të kuptuar diferencat e mëdha që kanë klubet.