Vllaznia-Dinamo ka qenë ndeshja që ka mbyllur javën e 23-të të kampionatit shqiptar të futbollit. Një ndeshje që është fituar nga shkodranët me rezultatin 2-1.
Ka qenë Latifi që ka zhbllokuar takimin në minutën e 16-të nga pika e bardhë e penalltisë. Penallti që është dhënë falë ndërhyrjes së VAR-it.
Kuqeblutë kanë dyfishuar shifrat në minutën e 24-t me Aralicën, por goli është anuluar për një pozicion jashtë loje.
Pjesa e dytë ka nisur mirë për Vllazninë, që ka gjetur golin e dytë me Aralicën, i cili ka qenë në pozicion të rregullt këtë herë.
Dinamo është zgjuar në fund dhe ka ngushtuar diferencat me Sofranac në minutën e 85-të. Miqtë i kanë shkuar afër edhe golit të barazimit, por pa arritur ta gjejnë atë.
