Kampionati Shqiptar

Disiplina i fut një “stërkëmbësh” Partizanit, ja “nderi” që i bën Kukësit

Partizani ka marrë një “stërkëmbësh” nga Komisioni i Disiplinës pranë FSHF-së, në rrugën e tij të kryesimit të Superiores. Më konkretisht, të kuqtë e drejtuar nga Skënder Gega janë ndëshkuar ta luajnë pa tifozë ndeshjen e radhës si pritës, e cila koinçidon ndaj Kukësit, një rival për titull.

Sjellja e tifozëve të “demave” në derbin ndaj Tiranës është konsideruar e dënueshme dhe në shkelje të rregulloreve, ndaj ajo do të jetë e detyruar ta shohë skuadrën e zemrës nga televizori në sfidën e javës së 17-të të kampionatit. Kuptohet, nëse klubi 15 herë kampion i vendit nuk apelon dhe Komisioni i Apelit nuk e ndryshon këtë masë.

Më poshtë mund të njiheni me vendimet e plota të këtij komisioni, marrë ditën e sotme:
– FK “Partizani”, për sjellje të gabuar të tifozëve, hedhje të sendeve në fushën e lojës dhe përdorimin e mjeteve piro-teknike, në bazë të Nenit 65/3/a dhe 66/1 të KDS dënohet me 1 ndeshje pa spektatorë në stadiumin përkatës dhe gjobë në masën 200.000 lekë.

– KF “Tirana”, për sjellje të gabuar të tifozëve, duke dëmtuar ambientet sportive të stadiumit “Selman Stërmasi”, në bazë të Nenit 66/2 të KDS dënohet me gjobë në masën 100.000 lekë.

– KF “Erzeni”, për sjellje të gabuar të tifozëve, hedhjes të sendeve në fushën e lojës dhe përsëritje të shkeljeve disiplinore, në bazë të Nenit 66/1 dhe 66/3 të KDS dënohet me zhvillimin 2 ndeshjeve pa spektatorë në stadiumin përkatës dhe gjobë në masën 200.000 lekë. Në aplikim të Nenit 136/1.a të KDS, gjoba shlyhet në masën 50%.

– KF “Vllaznia”, në bazë të Nenit 13 të KDS, paralajmërohet se në rast përsëritje të vonesave në fillimin e lojës, do të jetë subjekt i masave disiplinore që parashikon Kodi i Disiplinës Sportive dhe rregulloret e tjera të FSHF.

– FK “Tomori”, në bazë të Nenit 13 të KDS, paralajmërohet se në rast përsëritje të vonesave në fillimin e lojës, do të jetë subjekt i masave disiplinore që parashikon Kodi i Disiplinës Sportive dhe rregulloret e tjera të FSHF.

– KF “Tirana B”, për mosparaqitje në ndeshjen me KF “Tërbuni”, në bazë të Nenit 55/1 të KDS dënohet me humbje në tavolinë, me rezultatin 3-0, si dhe zbritjen e 3 pikëve nga klasifikimi.

– Lojtari i KF “Maliqi”, Devis Meçollari, për sjellje josportive ndaj zyrtarëve të ndeshjes, në bazë të Nenit 49/1/a të KDS, dënohet me 10 ndeshje pezullim nga aktiviteti.

– FK “Skrapari”, për sjellje të gabuar të spektatorëve, duke shkaktuar ndërprerje të përkohëshme të lojës, në bazë të Nenit 66/1/b te KDS dënohet me gjobë në masën 100.000 lekë. Në aplikim të Nenit 136/1.a të KDS, gjoba shlyhet në masën 20%.

– SHS “Albpetrol”,në bazë të Nenit 13 të KDS, paralajmërohet se në rast përsëritje të shkeljeve, do të jetë subjekt i masave disiplinore që parashikon Kodi i Disiplinës Sportive dhe rregulloret e tjera të FSHF.

– Lojtari i FC “Term”, Ertis Bregu, për sjellje josportive ndaj lojtarit kundërshtar, në bazë të Nenit 48/1/d të KDS dënohet me 3 ndeshje pezullim nga aktiviteti.

– KF “Memaliaj”, për sjellje të gabuar të spektatorëve, duke shkaktuar akte dhune dhe ndërprerje të përkohëshme të lojës, në bazë të Nenit 66/3/b të KDS dënohet me 4 ndeshje pa tifozë në stadiumin përkatës.

– Lojtari i KF “Përmeti”, Orgest Todhe, për sjellje josportive ndaj lojtarit kundërshtar, në bazë të Nenit 48/1/d të KDS dënohet me 3 ndeshje pezullim nga aktiviteti.

– Lojtari i KF “Butrinti”, Justin Dadaj, për sjellje josportive ndaj zyrtarëve të ndeshjes, në bazë të Nenit 49/1/a të KDS dënohet me 4 ndeshje pezullim nga aktiviteti.

– Lojtari i KF “Vlora” U-19, Ardi Koci, për sjellje josportive ndaj zyrtarëve të ndeshjes, në bazë të Nenit 49/1/a të KDS, dënohet me 12 ndeshje pezullim nga aktiviteti.

– Lojtari i KF “Vlora” U-19, Brigeld Islamaj, për sjellje josportive ndaj zyrtarëve të ndeshjes dhe përsëritje të kësaj shkeljeje disiplinore, në bazë të Nenit 40 dhe 49/1/a të KDS, dënohet me 16 ndeshje pezullim nga aktiviteti.

– KF “Kamza” U-17, për mosparaqitje në ndeshje me “Akademia AAS” U-17, në bazë të Nenit 55/1 të KDS, humbet në tavoline me rezultatin 3-0.

– KF “Dajti” femra, në bazë të Nenit 13 të KDS, paralajmërohet se në rast përsëritje të vonesave në fillimin e lojës, do të jetë subjekt i masave disiplinore që parashikon Kodi i Disiplinës Sportive dhe rregulloret e tjera të FSHF.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.

Më shumë nga Kampionati Shqiptar