Një anekdotë e bukur, madje e kohëve të fundit, nga Steven Gerrard dhe që ka të bëjë me botën e Liverpool-it dhe në veçanti Jurgen Klopp, trajner i Të Kuqve.
Gjatë një interviste për The Anfield Wrap, siç raportohet edhe nga Mirror, ish-mesfushori ka rrëfyer një takim shumë të veçantë që ka pasur me trajnerin gjerman vitin e kaluar, pak ditë para finales së Champions League të skuadrës angleze kundër Real Madrid-it.
Gerrard shpjegoi se ishte në një lokal me një mik kur pa Klopp duke kaluar me qenin: “Ai po ecte me qenin dhe unë i bërtita për ta përshëndetur dhe i urova fat në finale.
“Ajo që unë nuk do ta prisja, pasi ai me siguri kishte mendimet e tij të mira në kokën e tij, ishte që ai të dilte dhe të thoshte: ‘Jo jo, hyr brenda dhe më merr një birrë’.
“Në fund pimë 2-3 gota dhe tymosëm disa cigare. Ai u soll jashtëzakonisht mirë, nuk dukej si një trajner i madh. Ai e bëri të ndihej mirë edhe mikun tim duke e përfshirë në bisedë”.
Sa për kujtesë, finalja e Champions League 2022 u fitua nga Real Madrid 1-0 me golin e Vinicius…