Dualizmi me Keylor Navas nuk e lejoi atë të luante më shumë se 16 ndeshje në sezonin debutues në Ligue 1, por pavarësisht gjithçkaje, Gianluigi Donnarumma arriti të mahniste me fanellën e Paris Saint-Germain aq shumë, sa fitoi çmimin si portieri më i mirë i kampionatit francez (2021-2022).
Pak ndeshje, por mjaftueshëm që ish-portieri i Milanit të nxjerrë në pah talentin e tij në mbrojtje të kuadratit parizien. Në margjinat e eventit të sindikatës së futbollistëve francezë (UNFP), që e shpërbleu atë, Donnarumma ka vendosur të mbyllë përfundimisht çdo artikull të tregut:
“Kam luajtur gjysmën e ndeshjeve dhe kjo do të thotë se kam punuar mirë. Kam luajtur ndeshje të shkëlqyera. Falenderoj kolegët që më votuan. Jam shumë i lumtur që fitova këtë çmim në sezonin tim të parë në Francë. Ndihem mirë te PSG, jam shumë i lumtur që jam këtu”.
Çmimi për portierin më të mirë të sezonit nënvizon talentin e portierit të ri axurr. Donnarumma, siç u zbulua nga shtypi ditët e fundit, mund të buzëqeshë për sezonin e ardhshëm, pasi PSG e ka zgjedhur atë si portierin titullar:
“Nuk kam folur me askënd, jam i lumtur që jam këtu dhe kam marrë këtë çmim. Klubi do të marrë një vendim, nuk ka asnjë problem. Ndihem i lumtur që do të jem këtu edhe sezonin e ardhshëm, sepse kam një kontratë 5-vjeçare. Unë tashmë e di që jam numri 1, klubi vendos dhe nuk ka probleme”.
Një nga njollat e sezonit të parë të Donnarumma në Paris është padyshim gabimi i bërë kundër Real Madridit në Ligën e Kampionëve, një e metë që i lejoi “Galacticos” të shënonin dhe të kualifikoheshin: “Në Ligue 1 patëm një sezon të shkëlqyeshëm. U paraqitëm mirë edhe në Champions.
Fatkeqësisht, një veprim i gabuar na bëri ta hiqnim prizën. Humbëm një raund të dominuar, vetëm 20 minutat e fundit të ndeshjes se kthimit ishin të komplikuara. Nuk kërkoj justifikime, duhet të bëjmë më mirë. Me ekipin dhe mentalitetin që kemi, vitin e ardhshëm mund të sigurojmë trofe të mëdhenj”.