“Ai i kapërceu mirë vështirësitë fillestare. Ishte një zgjedhje sportive për të vënë në provë veten dhe për të rritur eksperiencat e tij: ai nuk u largua për arsye ekonomike. E ardhmja? Gjithçka duhet shkruar, ai ka një karrierë përpara”.

Kështu Rafaela Pimenta u rikthye për të folur për Gigio Donnarumma, nga ndikimi te PSG tek e ardhmja e portierit të ri të lindur në vitin 1999. Ish-lojtari i Milanit, pas një sezoni të parë të karakterizuar nga alternimi me Keylor Navas, është bërë titullar i padiskutueshëm nën drejtimin e Galtier duke rizbuluar vazhdimësinë dhe sigurinë.

Në sfond mbetet gjithmonë Juventus-i dhe Pimenta e ka lënë derën hapur për seancat e ardhshme të merkatos. Siç dihet, bardhezinjtë tashmë janë në kërkim të pasardhësit të Szczesny, i cili ka një kontratë që skadon në vitin 2024.

Ditët e fundit emri i Vicario ka qarkulluar fuqishëm, por ëndrra është gjithmonë ish-ylli i Milani-t: ja plani i mundshëm i klubit të Juventus-it për të arritur te portieri i PSG-së në vitin 2024.

Donnarumma është i lidhur me Paris Saint-Germain me një kontratë të pasur deri në vitin 2026. Në vitin 2024, pas ndarjes me Szczesny, mund të nisë sulmi i bardhezinjve.

Ka dy hipoteza në shtëpinë bardhezi: një ofertë e rëndësishme në para për të bindur klubin parisien ose përfshirja e lojtarëve teknikë të vlerësuar nga francezët dhe tashmë të afruar në muajt e fundit.

Bëhet fjalë për Moise Kean dhe Adrien Rabiot, të dy të përfolur kohë e fundit për një kthim të mundshëm te PSG. Juventus nuk heq dorë nga Donnarumma dhe studion sulmin për vitin 2024.