Borussia Dortmund ka marrë fitoren e radhës në kampionatin gjerman të futbollit pasi ka mundur 1-0 në transfertë skuadrën e Hoffenheim në javën e 22-të të Bundesliga-s.
Një fitore shumë e rëndësishme për verdhezinjtë, të cilët tani kryesojnë të vetëm renditjen e kampionatit gjerman në pritje të përballjes direkte të ditës së nesërme mes Bayern Munich dhe Union Berlin.
Sfida e luajtur në PreZero Arena është vendosur në minutën e 43-të të pjesës së parë nga një gol i Brandt, i cili ka shënuar me kokë pas një goditje dënimi nga ana e kapitenit legjendar Reus.
GOLI I BRANDT – VIDEO
Në ndeshjen e sotme kundër Hoffenheim, Julian Brandt ka shënuar në ndeshjen e tij të katërt radhazi të luajtur në Bundesliga. Asnjë lojtar tjetër i kampionatit gjerman nuk ka pasur një ecuri të tillë në 2023-shin.
Miqtë kanë arritur të dyfishojnë avantazhin në pjesën e dytë, më saktësisht në minutën e 57-të, por goli i shënuar nga Wolf është anuluar për shkak të një faulli.
