Tenistja kazake Elena Rybakina, numri 22 në botë dhe ajo bjelloruse Aryna Sabalenka, numri 5 në botë, janë dy finalistet e grand slam të Australian Open që po zhvillohet në Melburn. Finalja do të zhvillohet ditën e shtunë.
Nëse emri i Sabalenka ishte mes kandidateve kryesore, ai i Rybakina është deri diku një surprizë, por që konfirmon momentin e mirë që po kalon. Në tri ndeshjet e luajtura deri më tani mes tyre, Sabalenka udhëheq 3-0. Bjellorusja nuk ka humbur asnjë set në këtë turne dhe i ka fituar 9 ndeshjet e fundit që ka zhvilluar.
Në gjysmëfinalen e parë luajtur sot, tenistja kazake Elena Rybakina, mundi 2-0 (7-6, 6-2) në një orë e 40 minuta bjellorusen Victoria Azarenka. Një ndeshje me rivalitet në setin e parë, vendosur në “tie break”, pasi më tej gjithçka u komandua nga Rubakina, fituese e Wimbledon vitin e kaluar. Për Rybakina kjo është hera e dytë që del në finalen e një grand slam në karrierën e saj.
A brilliant performance 👏
Elena Rybakina is heading to the #AO2023 women's singles final!@wwos • @espn • @eurosport • @wowowtennis • #AusOpen pic.twitter.com/w7vEytvVdX
— #AusOpen (@AustralianOpen) January 26, 2023
Avancon më tej edhe bjellorusja Aryna Sabalenka, që në gjysmëfinalen e dytë mposhti po 2-0 (7-6, 6-2) rivalen polake Magda Linette, një ndeshje që zgjati një orë e 30 minuta. Edhe kjo sfidë ishte fotokopje e së parës, me rivalitet vetëm në setin e parë dhe më pas bjellorusja fitoi pa probleme. Për Sabalenka kjo është hera e parë që del në finalen e një grand slam.
Stunning, Sabalenka 🙌
The No.5 seed will play Elena Rybakina for the women's singles title!@SabalenkaA • @wwos • @espn • @eurosport • @wowowtennis • #AusOpen • #AO2023 pic.twitter.com/gjjCFJZ0SD
— #AusOpen (@AustralianOpen) January 26, 2023