Manchester United ka kërkuar informacione për situatën e Robert Lewandowski teksa ai vazhdon të mos firmosë rinovimin me Bayern Munich.
Gjigantët e Bundesliga-s po mundohen të bindin sulmuesin të firmosë një kontratë të re këtë verë, por Lewandowski ka dyshimet e tij.
Sipas gjermanes Kicker, Bayern do të bëjë një ofertë të fundit pas finales së Kupës së Gjermanisë më 25 maj.
30-vjeçari aktualisht ka një kontratë e cila skadon më 2021 dhe Bayern kërkon ta rinovojë për një vit tjetër.
Megjithatë, polaku mund të joshet nga interesi i Manchester United apo Paris Saint-Germain.
United është në kërkim të një sulmuesi që do të jetë në gjendje të udhëheqë vijën e golashënuesve dhe që do t’i rikthejë në Champions League.