Pas fitores kundër Parmës dhe momentit të shkëlqyeshëm të Romës, trajneri Fonseca mirëpriti këtë të hënë një tjetër lajm të mirë, që pritej për ditë me radhë: Edin Dzeko është përsëri në dispozicion të tij, pasi u shërua nga Covid-19. Kapiteni verdhekuq kishte qenë pozitiv që nga 6 nëntori, kur vetë boshnjaku e njoftoi lajmin.

Sot ai ka komunikuar negativitetin me këto fjalë: “Negativ më në fund. Tani mezi pres të kthehem në stërvitje me shokët e mi të skuadrës, për t’i ndihmuar ata që të vazhdojnë të luajnë aq mirë”. Tani për tani nuk është e qartë nëse lojtari boshnjak do të jetë në dispozicion të kryeqytetasve qysh në “Europa League”, kundër Kluzhit, por me siguri do të jetë gati dhe nën drejtimin e Paulo Fonseca për ndeshjen e së dielës kundër Napolit, në Serie A.

Finalmente negativo! 🙏🏻💪🏻
Ora non vedo l’ora di tornare ad allenarmi con i miei compagni per aiutarli a continuare a giocare così bene!

Daje Roma 💛❤️ pic.twitter.com/cgIRNgmSRY

— Edin Džeko (@EdDzeko) November 23, 2020