Fillimi i vështirë i sezonit dhe humbja e pësuar në Champions kundër Bayern Munich kanë shumëfishuar kritikat ndaj trajnerit Koeman.
Sipas fichajes.net, klubi katalanas është vënë në kërkim të zëvendësuesit të mundshëm.
I pari në listën e Barçës është Xavi Hernandez, i kërkuar në të kaluarën nga Laporta dhe vjen pas disa sezonesh të mira në drejtim të Al Sadd.
Në vendin e dytë është Antonio Conte, në kërkim të projekteve të reja pasi ka udhëhequr Inter-in drejt fitores së titullit; italiani pëlqehet nga disa klube dhe kohët e fundit është folur edhe për një interesim të Manchester United.
Në fund është edhe emri i Villas Boas, i pëlqyer nga katalanasit edhe për stilin e lojës që shprehin skuadrat e tij.